Get more Coins
Save more with bigger bundles!
By purchasing any of the above, you accept our Terms of Service.

Share This Listing

Public Comments

五大購買二手車貼士

icon

1 month ago by carousell_cars_hk

icon

8 Likes

icon

現代人生活節奏鬼咁急速,當講到買二手車要做資料搜集,好多人都會覺得:「仲邊有時間慢條斯理咩!」 只不過,無論你有幾忙,大拿拿拎一筆錢出嚟買車,都算係人生大事,決定之前當然要確保十拿九穩啦。 為左幫大家慳番啲時間,愛車盡快到手,同時唔會收錯風,我哋問咗個來自Carousell汽車嘅專業人士,教大家五大購買二手車貼士。碌落去睇下點樣先會買得精明啦! 1. 務必拎架車去相熟車房驗車 無論架車睇上去幾咁立立令,你永遠都唔會知道上手車主對架車做過啲咩,亦唔會知架車會唔會有古怪。想安心嘅話就切記要同車主提出驗車,拎去相熟車房做個檢查,確保架車行得走得。 2. 留意架車有冇經過改裝 新車同二手車最大嘅分別就係,二手車未必一定係「原裝」。上手車主可以改裝過架車去增強性能,加裝配件去改變架車嘅外型,或者令佢行得快啲,甚至乎可能會有其他古怪。 如果架車加裝咗啲咩高質配件,令佢性能大大提升,當然係好事啦。只不過,如果呢種改裝原來係犯法嘅話,你就可能會招惹警察造訪喇。 3. 唔好淨係著眼價錢,考慮埋折舊率先決定值唔值得買 無錯,留意架車嘅價錢係好重要嘅,話哂你都要真金白銀俾個數出嚟架嘛。不過,架車當年買入嘅原價,其實係更值得留意嘅因素,因為呢個數字話到俾你聽你買入架車後,每年嘅折舊率。 大家可以咁諗:一架原價高但折舊率低嘅車,係比一架原價低但折舊率高嘅車更抵買。因為呢個數字實在太重要,所以我哋Carousell汽車嘅朋友已經將每架車嘅折舊率清清楚楚咁列明喺個app到,咁大家就一眼就掌握到可靠嘅數字。 4. 留意架車嘅耗油量 買車嘅成本絕對唔淨只喺車價,入油嘅資出分分鐘都會令養車成本增加唔少!如果大家都有個好啲嘅預算,咁就要多加注意架車嘅耗油量。 就好似一架豐田Prius咁,呢架車最出名就係慳油。所以如果你成日揸車,即使架車嘅價錢可能會比其他型號貴,長遠嚟講買佢都會慳番唔少 。用 Subaru WRX比較嘅話,呢架喺耗油量方面就明顯輸蝕喇。 雖然車行都會提供預測嘅耗油量,不過呢啲數字通常都係比較樂觀。所以最穩陣嘅方法始終都係上汽車論壇取下經,咁先會掌握到比較實際嘅耗油量。 5. 摸清買家底價先去睇車 有啲車主出價會企得好硬,而有啲車主就可能會有一兩萬蚊走盞位,你有心買嘅話,可能都會有得傾。為咗唔好浪費大家時間,睇車之前最好就係摸清賣家底價。 呢個時候就係人品值錢嘅時候喇。講價之前,要俾啲誠意,表示下自己係有心想買架車嘅。如果唔先提出價錢就亂咁壓價,可能會冇咩禮貌。汽車買賣嘅圈子唔算好大,多個朋友點都有著數。 Carousell汽車係我哋全新嘅流動平台,等大家輕輕鬆鬆㩒兩㩒,就搵到自己嘅心水二手車。大家仲可以利用篩選同埋書籤功能,比較唔同類型嘅車款,仲可以隨時得知價錢嘅改變𠻹。只需要幾個步驟,就可以計算貸款,同賣車傾計,同埋賣走舊車! 即刻去下載個app啦!

Getting This

Meet The Seller

carousell_cars_hk
carousell_cars_hk
isEmailVerified
Feedback
  • 0
  • 0
  • 0

YOU MAY ALSO LIKE